NAMAYAN, MANDALUYONG CITY — Bilang bahagi ng patuloy na pagsusulong ng isang ligtas at maayos na komunidad, bumili ang Sangguniang Kabataan ng Namayan, sa pamamagitan ng Committee on Peacebuilding and Security, ng mga karagdagang security inspection equipment para sa Doña Basilisa Yangco Elementary School. Ang proyektong nagkakahalaga ng ₱5,000.00 ay isinagawa upang makatulong sa pagpapalakas ng seguridad sa paaralan at masuportahan ang mga umiiral na hakbang para sa kaligtasan ng mga mag-aaral, guro, at iba pang kawani. 

Ayon sa Sangguniang Kabataan ng Namayan, ang inisyatibong ito ay bahagi ng kanilang patuloy na pangako na magpatupad ng mga konkretong programa na nagtataguyod ng kapayapaan, kaayusan, at seguridad sa komunidad. Layunin din nitong magbigay ng karagdagang suporta sa mga hakbang ng paaralan at ng barangay sa pagtiyak ng isang ligtas na kapaligiran sa pagkatuto para sa bawat #BatangNamayan. Patuloy na isusulong ng Sangguniang Kabataan ang mga programang nakatuon sa kapakanan ng kabataan at ng buong pamayanan sa pamamagitan ng maagap na pagkilos, responsableng pamamahala, at pakikipagtulungan sa iba't ibang sektor. 

 Sa bawat hakbang, nananatiling pangunahing layunin ng SK Namayan ang pagpapanatili ng isang ligtas, mapayapa, at handang komunidad para sa lahat.